Khawthlangtuipui lianin Tlabung leh a chhehvel khuate chim tan

0
310
views

Lunglei District-a Tlabung leh a chhehvel khuate chu Khawthlangtuipui lianin a chim tan leh tawh a, Tlabung YMA hruaitute hnen atanga thu dawn danin, Khawthlangtuipui lian hian Tlabung khaw chhunga Venghlun-a mihring chenna hmun leh Dak in thlanga mihring chenna in 5 a chim tawh a, in neitute chuan an bungruate thiar chhuah bakah hmun him lamah an riak chhuak tawh a ni. Tlabung leh a chhehvelah hian vawiin khan tui hi tlemin a kam hret a, mahse ruah a sur zui leh avangin tui hi lian leh mai thei a ni reng a ni. Sairang-ah pawh Tlawng lui lianin nul siamna hmun leh thlai chinna hmun tam tak a chim leh tawh a, mihring chenana hmun erawh chu a la chim rih lo niin YMA hruaitute chuan an sawi.