Khawvel-a boruak inthlak chak lutuk laka hmalak phuta London-a kawng zawhtute zinga mi 300 dawn man an ni.

0
425
views

He lungawilohna lantira kawngzawh hi nikuma Britain-a zirlaite din pawl pakhat Extinction Rebellion te huaihawt a ni a, khawvela environmental movement \hang chak ber a ni. Police te chuan Thawh\anni a\ang khan kawngzawh te hian lei leh kawngpui an dan \an thu an sawi a, London-a Waterloo Bridge dangin pot-a thingkug phun an rem phei a, Hyde Park-ah buk zar-in kar tluana lungawi lohna lantir turin an inbuatsaih a ni. Lungawi lohna lantirtute hi Hyde park chhunga Marble Arch chhung chin-a inkhuar turin thu an pek thu an sawi. Lungawi lohna lantir vang hian bus kalna route 55 khar a ni tawh bawk a ni.

Extinction Rebellion thupuangtu James Fox chuan sorkar chu boruak inthlak chak lutuk ven nan hma lak dan tur ruahman turin an phut tih a sawi a, kum 2025 hmaa greenhouse gas pek chhuah tawh loh te, ram ngaw leh ramsate suatna tihtawp leh heng harsatna laka hmala tur assembly thar din turin an phut a, London hmun hrang hrangah kawng dan chhunzawm an tum thu leh sorkarin an thil phutte an ngaihsak hma chu tawlh an tum loh thu a sawi.