World Water Day hi Lawngtlai Council Vengah hman a ni a, thupui atan ‘Tumah hmaih awm lovin’ tih hman a ni. Hetah hian PHE Department-a Executive Engineer, Pu Laltlanchhunga chuan thusawiin, tui tel lovin dam khaw chhuah ngaihna a awm lova, mihringten ramngaw an tih chereu avangin tui hna a tlem tial tial a, tui hna tipung turin nasa taka \an lak a ngai a ni a ti a, mitinin tui thianghlim an hmuh theih nan PHE Department chuan theihtawp chhuahin hma an la reng niin a sawi bawk.
He ni hmannaah hian Council Veng Young Lai Association Branch hruaitute leh Dinthar Development Committee hruaitute pawhin thu an sawi a, World Water Day pual hian Lawngtlai Bullet Club ten rally neiin, Auto Rickshaw leh Taxi-ah te World Water Day flag tar a ni bawk.
