Coronavirus kai mi 3,82,000 zinga mi 1,02,000 te chu enkawl dam an ni tawh a, hetihlai hian China Hubei Province-a khuahkhirhna kalpui mekchu Nilaini khian hlih a ni dawn a ni. China khawpui pakhat Wuhan-a mipui maktaduai 11 vel chu January ni 23 a\ang khan pawn chhuak lo va, in lama inkhung tura khuahkhirh an lo ni tawh a ni.
Thailand-ah chuan covid-19 kai thar mi 106 an awm belh a, mi 3 thih belhin thi tawh zawng zawng chu mi 4 an tling tawh a, kai zawng zawng mi 827 an awm tawh bawk. Macau chuan China, Hong Kong leh Taiwan a\anga an rama luh a khap a, Philippines-ah pawh mi 39 kai thar awm belhin kai tawh zawng zawng mi 501 an tling tawh a, hetihlai hian mi 19 an dam a, mi 33 an thi a ni. South Korea-ah pawh coronavirus kai tawh zawng zawng chu mi 9,037 an tling tawh a, mi 19 kai thar an hmuh te chu Europe a\anga South Korea zin an ni.
