Saudi Arabia chuan international flight zawng zawng kar hnih chhung a chawlh tir dawn a, hetihlai hian New Zealand chuan an rama lut te reng reng a lo berah kar hnih tal a khung hrang dawn tih a puang bawk. New Zealand-ah hian Christchurch mi firfiakten an beih kum khatna champha hriatrengna hun hman tur chu \hulh a lo ni tawh a ni.
World Health Organization chuan Europe chu Covid-19 \aidarhna hmunah a chang tawh tih a sawi a, he hri hian Africa khawmualpuia ram hrang hrang Kenya, Ethiopia, Sudan, Guinea, Mauritania leh Eswatini te pawh a thleng tawh a ni.
He hri leng vang hian khawvel puma ram hrang hrangte sum dehchhuah a tla hniam nasa tawh hle a, company leh industry tam takin an tuar nasa hle bawk. Hetihlai hian Apple chuan China ram pawn lama a dawrte chu tun thla ni 27 thleng a khar dawn a, CEO Tim Cool chuan Covid-19 dona atan US dollar maktaduai 15 an thawh tih a sawi.
