Khawvel puma TB dona ni, World TB Day chu vawiin khan Chanmari YMA Hall Aizawl-ah hman a ni.

0
253
views

World TB Day hi kumtin March 24 ah hman \hin a ni a. Kumin hian he ni hi Pathianni-ah a tlak avangin Mizoramah chuan vawiin khan hman a ni. Health Department Secretary Pu H. Lalengmawia’n hmanpuiin kumin World TB Day thupui ah hian ‘A hun ta e’ tih hman a ni a, kum 2035 ah chuan WHO hmalaknain khawvel pumah TB natna umbo tum a ni avangin TB dona kawngah chak taka hmalak a hun tawh a ni a ti.

Kum 2018 chhung khan Mizoramah TB vei mi 2500 chuang hmuh chhuah an ni a. TB natna benvawn MDR-TB vei mi 104 hmuhchhuah an ni bawk. World TB Day puala inkhawm hi Mission Director Dr. Eric Zomawia’n a kaihruai a. State TB Control Society leh Mizo Photographers’ Society tangkawpin an buatsaih World TB Day Photo Competition-a ti \ha te hnenah lawmman hlan a ni.