Khawvel puma Upate Ni, International Day for Older Persons chu vawiin khan Mizoramah pawh lawm a ni.

0
706
views

Sateek Area MUP-in he ni lawmna an buatsaih chu MUP General Headquarters President, Pu RK Thanga’n a hmanpui a, kum lama upate chu an pawla tel vek tura sawmin, tar pawh ti mai lova, an kumin a phu tawh avang zawka lawm taka tel turin a sawm a ni. Sateek-a Upate ni hmannaah hian Mizoram State Legal Services Authority chuan upate tan dan hriat \ulna an sawifiah a, MSLSA member Secretary, Pu Vanlalenmawia’n State Legal Services Authority awmzia sawifiahin, an chanvo dik tak hailang tura hmalakpuiah MUP member-te chu a sawm a ni.

He inkhawma Sateek Middle School-a neih hi Sateek Area MUP President, Pu H Saptawna’n a kaihruai a, Advocate pahnih Pi Elizabeth K. Lalrinpuii leh Pu T. Lalnunsiama’n dan lam kaihhnawih thil pawimawh hrang hrang an zirtir a, tlaiah he ni lawmna ruai an \heh a ni.