Singapore-ah chuan vawiin khan mi 940 aia tam coronavirus kai thar an awm tih health ministry-in a finfiah a, kai zinga a tam zawk chu ram dang a\anga Singapore-a hnathawka awmte an ni.
Singapore hi coronavirus an do danah WHO-in hun hmasa lam khan a fak hle a, amaherawhchu, tun hnai a\ang khan kai thar nitin an awm belh ta zel a ni.
Japan-ah chuan damdawi lam thiamte chuan damdawi in chu damlo dahluh tur an tam lutuk avangin a tawt leh \an tawh tih an sawi a. Japan-ah hian coronavirus kai tawh zawng zawng chu mi 10,000 an tling tawh a, coronavirus kai leh kai lo enna khawl an nei tlem chu mi tam takin an sawisel nasa hle a ni.
Hetihlai hian Pakistan-ah chuan sakhaw puithiam leh sorkar hotuten karleh Zirtawpnia Muslim ten an inserh thianghlimna hun, Ramadan an hman turah \awng\aina an neih \hin chu an neih theih dawn leh dawn loh an sawiho a ni.
