Khawvel pumah Covid-19 vei mi 4,24,048 an awm tawh a, mi 18,948 in an thihpui tawh.

0
43
views

Malaysia chuan kar hnih chhung inkharkhipna a kal pui leh dawn a, an ram sum dehchhuah tlahniam tur \anpui nan ruahmanna thar a siam bawk.

South east Asia-ah chuan Malaysia hi Covid-19 vei tamna ber a ni a, nitin vei thar an hmuh belh reng a, a vei apiangte chu sakhaw thil tiha kalkhawm zing ami an ni tlangpui nia sawi a ni.

Hetihlai hian UK-ah chuan England leh Wales-a tan ina tang mek te chu chhuah zalen lailawk an ni dawn a, hei hi tan in chhunga innawr tawtna nasa lutuk tihziaawm nana tih a ni.

England leh Wales tanina thawktu mi 3,500 velin an hna an chawlhsan lailawk avangin, inenkawlna mumal takin a kalpui theih loh bakah tanin chhung chu tang an tam tawh avangin a chep hle bawk nia sawi a ni a, Justice Secretary Robert Buckland chuan tang \henkhat chhuah zalen chu tan in chep lutuk tihziaawmna tur a ni a ti a, tang zingah nu naupai 50 vel chu an chhuah mai thei tih a sawi bawk.