Khawvela coronavirus kai awm tam lama pathumna Italy chuan ram puma inkharkhip an kalpui mek a tahtawlin a hlip \an.

0
25
views

Italy-ah hian mi nuai 2 chuang coronavirus kai an awm a, chung zingah chuan mi sing 2, sang 8,884 an thi a, mi sing 8, sang 1,654 an dam tawh a, enkawl lai mi nuai 1,179 an awm mek a ni.

Hetihlai hian Jordan leh Thailand-ah chuan coronavirus vanga thi an tlem chho zel a, hei vang hian inkharkhip thlahdul tumin hma an la mek bawk.

Australia leh Malaysia chuan vawiin a\ang khan hmun \henkhatah inkharkhip an thlahdul \an bawk a, Afghanistan health ministry chuan zirchianna a neih hnuah an ram khawpui Kabul-a mihring cheng tam zawkin coronavirus an kai thei tih a puang a ni.

Japan-ah chuan state of emergency tun thla tawp thleng puan a ni a, coronavirus kai mi sing 1, sang 5 vel an awm a, mi 500 velin an thihpui a ni.

Khawvel pumah coronavirus kai mi maktaduai 3 chuang an awm tawh a, mi nuai 2, sing 4, sang 7,452-in an thihpui a, mi nuai 11, sing 2, sang 5,168 an dam tawh a ni.