Khawvela hrileng mek Covid 19 in Mizoram la thleng rih lo mahse Aizawl khawpuia Hotel hrang hrang te a nghawng \an a, mikhual thleng zat an tla hniam nasa hle.

0
357
views

ZONET in hotel hrang hrang te hi a be kual a, Hotel tam zawk chu Covid 19 hian a nghawng tawh a, ni danga mikhual an thlen ang an pha lo hlawm hle a, \henkhat phei chu an room neih chanve chauh luahtu an awm a, room 2/3 chauh luah mikhual nei mekte pawh an awm a ni. Booking ti tawh cancel a tam hle a, Hall hman tur nei te pawhin hmangtu an neih loh bakah booking ti tawhte pawhin an cancel tih an sawi. Hotel tam zawk te hian ram chhung state \henawm atangin mikhual an thleng deuh ber a, tuna an mikhual tam zawk chu thil pawimawh zual ti tura Mizoram rawn lut te chauh an ni.

Hotel pahnih khatah erawh mikhual an neih dan pangngai an la nei thei a, heng mite pawh hian a nghawng ve thuai an inrin thu an sawi.