Kawng hi a zim lai ber Metre 8 a ni a, hmun thenkhatah chuan Feet 25 a zau tea laih a ni. Puilo Community Hall a kawng hawnna puala inkhawm buatsaihah Pu Robert-a hian Champhai DRDA in tha taka kawng an lai chu lawmawm a tih thu a sawi a, Champhai DRDA in cheng nuai 30 pawh tling lova Km. 6 a thui Aichhinga Road an lai thei chu fakawm a tih thu leh entawntlak a tih thu a sawi a. Kawng hming put chhan Pu Aichhinga chu Puilo khaw bialtu MLA hlui, RD Minister hlui a nih piahlamah zalenna sualtu, ram leh hnam tana hna thawk tura mahni hna bansan ngam, mi ropui a ni a ti a, ram leh hnam tana nunna thap a inpete hi hnam changkang apiangin an ngaisang a ni a ti.
Khualzahawm, Bialtu MLA Pu L. Thangmawia pawhin thu a sawi a. kawng laih anih theihna tura Puilo khawtlangin ram laih chhiat ngaite ui lo leh phut let nei lova an pe chu ropui a tih thu a sawi.
Aichhinga Road hawnna inkhawm hi Puilo VCP K. Vanlalvena’n a kaihruai a, Champhai DRDA Project Director Pi Ethel Lalthangpuii, Khawzawl BDO Dr. Saithangpuia leh Pu Aichhinga chhungte pawh an tel a ni.
