Khawzawl tuilakna tur, Greater Water Supply Scheme-a Tuichang lui atanga tui Pump chhoh, Sipaitlang Tanky atanga Khawzawl khawpui chhung veng hrang hranga pek chhuahna tur Pipe lian, Feeding Main phum hna, nikum September atanga thawh tan chu zawhfel tep ani tawh a, Khawzawl khawpui chhunga veng 10 awmah veng 9 zawhfel tawh a ni.

Khawzawl khawpui chhung chawmtu, Gravity hmanga tui lakna hrang hrangte chu tun \halah hian kum dang zawng aiin tui a tlem tih Khawzawl kan corrrespondent chuan a sawi a, hei vang hian Khawzawl Greater Water Supply Scheme hmanga tui pump chhuah hi mipuite rin ber a ni tawh a, Sipaitlang tlang atanga veng hrang hranga sem chhuah lehna tui dawt awmsa te chu a tet avangin a lian zawka thlak a ni.