Khawzawl Vengthar Branch YMA in an veng Thlanmual ram, Hectare 92 a zau chhunga nungcha awm te an humhalh. Khawzawl Vengthar Branch YMA hian kum tina an tih thin anga nizan khan an vengchhunga kum 12 atanga 17 inkar tleirawl leh rawlthar rualte fuihna hun Branch YMA Hall ah an buatsaih a, Branch YMA hruaitute chuan an enkawl Khawzawl Vengthar thlanmual, Hectare 92 vela zau, thing tiak pawh 7000 chuang an phun tawhna chu nungcha tinrengte lenna hmunah siam an tum thu leh a chhunga nungcha chengte pawh an humhalh tlat thu an sawi. He infuihtharna hi Khawzawl Branch YMA Vice-President Pu H. Vanneihthanga’n a kaihruai a, Branch President Pu C. Lalhmingliana leh Treasurer Pu JH. Vanlaltluanga ten zu leh ruihhlo laka inthiar fihlim tur leh Zonun zemawi chhawm nung zel turin rawltharte an fuih a ni