Khawzawla rawlthar rual, Tualpui rawlthar kutthlaktute chu man an nih hnuah kum tling lo vek an nih avangin Champhai Juvenile Justice Board hmaah vawiin khan hruai an ni a, an chungthu ngaihtuah zui turin Observation Home-a dah luh an ni.

0
331
views

Heng rawl thar paruk te hi kum 14 leh 17 inkar mi vek an ni a, nimin tlai lam khan Tualpui khaw mi, rawlthar pahnih Lalmuankima kum 16 mi leh a thianpa te chu Khawzawl Hellipad panna kawng, Mualvawm Field bulah kut an thlak a, Lalmuankima hi a hliam tuar lovin nimin tlai dar 4:30 vel khan Khawzawl Damdawiin ah a thi a ni.

Lalmuankima leh a thianpa te hi Khawzawla Matric Exam-a riaklut lai an ni a, nimin tlai khan Khawzawl Helipad-ah an leng a, an haw lam chu rawlthar rual, Khawzawl mi vek mi 6 te hian kut thlakin Lalmuankima hi a hnar leh a ka a\angin thi a chhuak a, Damdawi in panpui nimahse a hliam tuar lovin a thi zui a ni.

Lalmuankima ruang hi Police te leh Khawzawl Group YMA te ruahmanna siam angin nizan dar 8:30 velah Tualpui thlenpui a ni a, tlaivarpui anih hnuah tukin khan post mortem turin Khawzawlah kalpui leh a ni a, chawhma dar 11:00 velah Tualpui panpui leh a ni a, tlai lamah vuiliam a ni.