Kingfisher Airlines tla chhe ta neitupa, leiba tam tak a neih avanga UK-a tlan chhia, Vijay Mallya chu India rama thawn let a ni dawn em tih UK court in a ngaihtuah.

0
302
views

Kingfisher tlak chhiat hnuah a leibatna Bank engemawzatin an leiba hmulet tura hmalak an tum mek laiin Vijay Mallya hian kum 2016 khan India chhuahsanin London ah a tlan chhia a, India rama a leiba tlingkhawm hi cheng vbc 9000 chuang a ni.

UK Court hian India-a thawn kir tura a chungthu a rel anih pawhin court thutlukna chu court sang zawkah a la khinglet leh thei dawn a, India rama thawn let tura dilna hi court in a hnawl anih chuan CBI leh Enforcement Directorate te chuan ni 14 chhungin court sang zawka an thlen a \ul ve thung dawn a ni.

Vijay Mallya hi nikum khan man a nih hnuah Bail-a chhuah a ni a, a loan ba te hi rulh ngei a tum thu twitter lamah a sawi fo a, bank sum ru anga amah puhna chu pha in, pawisa puktu chu amah ni lovin Kingfisher zawk a ni a ti.

Vijay Mallya ukil te chuan kum 2016 lam daih tawh khan a loan ba, principal te chu pek vek a lo tum tawh niin an sawi. India rama thawnlet tura India in UK a ngenna chungchangah hian Vijay Mallya hian India jail ah te boruak leh eng mumal a awm loh avangin a tan awm ngaihna a awm lo niin a lo sawi tawh bawk a, hei vang hian a chungthu ngaihtuahtu UK Judge Emma Arbuthnot ngenna angin India rama hruai let anih huna tantirna tur hmun Arthur Road Jail video thlalak chu UK court ah hian thawn a lo ni tawh nghe nghe.