Kohhran, sorkar leh pawl thenkhat leh Aizawl-a Police ten Krismas leh kumthar ralmuang taka hman dan sawi ho

0
481
views

Kohhran, sorkar leh pawl \henkhat leh Aizawl-a Police Station hrang hranga Police Officer-ten Krismas leh kumthar lo thleng tur chu mipuiten ralmuang taka an hman theih dan tur an sawi hova. DIG Northern Range, Pu Joseph Lalchhuana’n hmanpuiin, kumin October ni 26-a Home Minister, Pu R, Lalzirliana hova mi pawimawhte \hu khawmin hunpui vuakveta mipuite ralmuang taka an awm theih nan halpuah leh halmawi lam chi khap a lo rel tawh bawhzui dan tur ngaihtuah tura he inrawnkhawmna hi buatsaih a nih thu a sawi a. Halpuah leh halmawi lam chi chu kum eng emaw zat kal tawh a\ang khan khap a ni tawh \hin chungin hal a nih tho \hin b^kah, lirtheia chetsualna leh pawi khawihna chi hrang hrang thleng a tam \hin chu a tihr>m dan tur uluk zawka ngaihtuah a ngai tih a sawi.

He sawihona, Aizawl SP Conference Hall-a neih hi Aizawl SP, Pu Neihchungnunga’n a kaihruai a, MHIP, Mizoram Kohhran hruaitute Committee, Aizawl City Local Council Association, Higher and Technical Education leh School Education Department aiawhte an tel a. Kumin Krismas leh kumthar boruak ralmuang tak a hman a nih theih nan leh halpuah leh halmawi lam chi hal a nih loh nan Kohhran tinin an kohhran \heuhah halpuah hal lo tura ngenna leh inhriattirna siam se, sorkar leh private school tinin Krismas chawlh hmain halpuah \hat lohna leh hal lo turin an naupangte zirtir se, lirtheia chetsualna laka mipuite an him zawk theih nan khauh lehzualin lirthei leh a khalhtu endik ni se, veng leh khaw tinah halpuah hal leh zawrh a nih loh nan khawtlang hruaitute leh Police \angkawpin \an la se, halpuah leh a kaihhnawih zawrh leh hal khapna dan bawhchhia mante chu dan ang a hrem ni se, halpuah hal leh zuar lo tura inzirtirna hi YMA, MHIP leh tlawmngai pawl dangten an huam chhung \heuhah bawhzui se, Local Council leh Village Council-ten a tam thei ang ber au rinna in an huam chhung \heuhah puang zar se an ti a ni.