Kolasib-ah Pi Liansangpuii thiin chhar, tualthahna ringhlel

0
1328
views

Kolasib Rengtekawna Gosen Venga amaha awm, Pi Liansangpuii, kum 62 mi chu a chenna inah tukin dar 3 vel khan thia chhar a ni. Kolasib Police Station atanga thudawn danin Pi Liansangpuii hian a lu-ah hliam na tak a tuar a, a ruang hi lak a nih hnuah vawiin chawhma khan Kolasib District Hospital-ah Doctor te endik tira thil tihfel tur te tihfel a ni a, hemi hnu hian a fate awmna, Myanmar-a Haka lamah thawn zui a ni. Pi Liansangpuii thih chungchangah hian a laizawnnu-in Kolasib Police Station-a FIR a thehluh bawhzuiin tualthah thubuai ziah luh a ni a, a ti tu zawn zui a ni a, vawiin tlai thleng khan hemi kaihhnawihah hian man an la awm lo a ni. Pi Liansangpuii hi Rengtekawn Gosen Venga thingpui dawr leh eichawp dawr siam a ni a, amahin a khawsa a, a pawisa cheng sing 5 vel a bo nia sawi a ni.