Campaign \annaa thusawitu Health Minister, Pu Lal Thanzara chuan Synod-in inthlanna neih tur hi a ngaihpawimawh avangin ram chu Lalpa ta a ni tih thupui hmangin Synod Revival Speaker ten Zoram dung leh vang tuam chhuakin tunah hian thu an hril mek a, ram neitu Lalpa-in he rama rorel tur hian tunge a tundin \hin tih hre rengin \awng\aina nen he inthlanna hi hmachhawn a ngai niin a sawi. Pu Lal Thanzara chuan Mizoramah PC, MNF leh Congress ten sorkar an lo siam tawh \hin a, Mizoram buai chingfel turin Brig. T. Sailo hovin Mizoramah remna leh muanna a awm theih nan Kolkatta Convention neih a ni a, amaherawhchu chumi chu a hlawhtlin loh hnuah Congress sorkar hnuaia remna leh muanna Mizoramin a nei ta tih a sawi a, Congress sorkar hnuaiah remna neiin mi retheite dawmkan hna NLUP hmangin nasa takin an thawk niin a sawi a, Congress sorkar chuan hruaitu a thutiama ding \hin a neih avangin Pathian malsawmna a dawng niin a sawi a ni. Pu Lal Thanzara chuan he inthlannaah hian Mizoramah rorel turin MNF party thlan tlin a nih chuan BJP thuhnuaia awm tur sorkar a ni dawn niin a sawi a, BJP thiltum ber chu sakhaw pakhat la binga, sakhaw dang ngaih theih lohna thehdarh niin a sawi a ni. Pu Lal Thanzara chuan he inthlannaah hian BJP-in seat 1 pawh a lak a rin loh thusawiin, MNF chhawr \angkaia sorkar siam tumah a puh bawk.
He inkhawmah hian Kolasib biala candidate, Dr. Ngurdingliana chuan tun inthlannaah hian thlantlin a nih chuan khaw tinah zirna tih \hat te, mihringte hriselna ti \ha tura hmalakte a tum thu a sawi a, hemi rual hian \halaite tan khawvel thar siamsak sorkarin a tum dawn niin a sawi bawk a ni.
