Kolasib DC in Tripura camp-a awm, Bru te 500 a\anga 600 inkar vel Mizoram Electoral Roll-a thun thar tura hma a lakna dodalin nizan khan Kolasib mipui pungkhawmin DC office an luh chilh a, Election Branch-a lehkha pawimawhte an hal bakah DC Office pawh lungin an tawng bawk.

0
298
views

 

Nimin chawhnu khan Kolasib All NGO Coordination Committee chuan Kolasib DC Dr. Arun T chu hmuin Electoral roll en\hat hna, Special Summary Roll Revision 2018-ah Tuikuk Tripura Camp-a awmte hming thunbelh tuma endik dan chu dan kalh nia an hriat thu hrilhin, hming endik tawhte chu a bo a bang awm lova paih vek turin an phut a, hei hi DC hian a thuneihna piah lam niin a sawi thung a. Kolasib DC leh All NGO Coordination Commite-te thu a inhmuh tak loh avanga hian DC Pisa kawtah mipui lungawi lo an pungkhawm ta a ni. DC-in Kolasib All NGO Coordination Committee te inremna neihpui a tum dan leh lehkha a siam dan chu awmze nei loah mipuite chuan ngaiin, Electoral Roll-a thun thar tura lo buatsaih tawh chu a vaia paih vek an ngiat a, mipui pungkhawm thinrim hian nizan thimhlim khan DC Pisa kawngkapui leh tukverhte tichhiain Election Branch office-a lehkha pawimawh leh Bungraw eng emaw zat an ti chhia a ni. Election Branch bakah hian Disaster branch leh judicial Branch a bungraw thnkhatte tih chhiat a ni bawk a, DC \hutna room tukverh darthlalang pawh a keh nual a ni.

Mipui thinirim pungkhawm hnawh darh tumin Police te chuan mittui tlakna hlo Tear Gas an hmang a, buaina kaihhnawihah hian hliam tenau tuar an awm nual a ni.

Hetiang boruak karah hian nizan dar 10 pelh tawh hnu khan Mizoram Joint CEO Pu Zorammuana chuan Special Summary Revision 2018-a Bru Camp a\anga Electoral Roll-a in thun thar dilna form lutte chu ennawn leh vek turin Kolasib DC hi a hriattir a, a lehkhaah chuan dik lo taka lo pawm tawhte chu form 7 hmanga paih leh vek tura a hriattir bakah khawtlang hruaitute leh NGO te awm lai ngeia ennawn leh turin a hriattir a ni.

Kolasib All NGO Coordination Committee Chairman Pu C Liankunga chuan Zonet zawhna chhangin Electoral Roll-a Tuikuk te thun thar tum dan hi dan kalh a nih avangin an pawm thei lo tih a sawi a, Tripura Camp-a Tuikuk awmte chu Mizoramah an let duh lo anih chuan hearing neih leh pawh an pawm theih a rin loh thu a sawi.

Kolasib DC Pu Arun T chuan All NGo Coordination Committee te rawtna chungchangah leh a hmalak dan turah Election Commission of India thu a ngai chang reng niin a sawi a, nizana thil thleng chu pawia a tih thu sawiin inthlanna tura ruahmanna erawh buaina awm lova an kalpui chhunzawm theih a rin thu Zonet zawhna chhangin a sawi a, Kolasib Election Officer Pu Vanlalchhuanawma Chawngthu chuan DC Election Branch a file, Computer leh bungraw pawimawh tak takte tihchhiat ni mahse inthlanna tikhaih lak thei tur thil pawimawh erawh a chhe tel lo tih a sawi bawk.