Kolasib District-a Kawnpui, Mualvum, Bualpui leh Thingdawl khaw mipuite tui in tur pump chhuahna Tuitun lui mi pathumin hrai

0
615
views

Kolasib District-a Kawnpui, Mualvum, Bualpui leh Thingdawl khaw mipuite tui in tur pump chhuahna Tuitun lui chu tun thla ni 21, Nilaini khan Sihphir khaw mi 3-in an hrai. Hemi hnua Kawnpui Joint VC, Joint YMA, MHIP leh Area MUP thu chhuah intawm tarlan danin he lui hraitute hi Malsawmtluanga, Lalmuanpuia leh Zothantluanga te an ni a, sangha an hraina hi bleaching niin sawi mahsela, khawnvartui rim a nam avangin damdawi dang telh niin an ring a, Kawnpui Police Station-a FIR an thehluh hnuah Police te chuan mi 3 te chu manin, Kolasib-ah an thawn tawh a, Kolasib District Jail-ah an awm niin an sawi a ni. An thuchhuahah Joint VC leh tlawmngai pawl hrang hrangte chuan an tui tlan hrai a ni chu pawi an tih thu an sawi a, a titute na taka hremna pe turin thuneitute an ngen a ni.