Kolasib District-ah inthlanna a duty turte nimin khan Postal Ballot hmangin I&PR Conference Hall, Agriculture Conference Hall leh Education Block Resource Centre-ah te vote thlak tir an ni. Vote thlaktute hi inthlanna hmun danga duty tur sorkar hnathawkte leh venhimna hna thawktu tur Police te an ni.

Champhaiah pawh inthlannaa duty turte nimin vek khan Postal Ballot hmanga vote thlak tir an nia, mi 61 in vote an thlak a, vawiin leh naktukah pawh thlak chhunzawm tir an ni ang. Champhai District-ah hian postal Ballot hmanga vote thlak tur mi 1127 an awm a, District pawn hmun danga awm mi 259 te tan pawh postal ballot hmanga vote an thlakna tur form thawn chhuah a ni.