Kolasib District Electoral Roll-a Tripura Camp-a awm Tuikuk 217 dan dik lo hmanga thun nia sawi chungchanga PIL thehluh chu vawiin khan ngaihtuah a ni.

0
282
views

 

Election Commission lamin Affidavit hmanga chhanna thehluhna hun an dil chu Gauhati High Court Aizawl Bench-a Judge, Justice Michael Zothankhuma chuan pawmsakin Affidavit thehluh nan ni hnih chhung hun a pe a, he thubuai ngaihtuah chhunzawm nan hian Court chuan karleh Thawh\anni a ruat a ni. NGO Coordination Committee aiawha ding, Ukil te hnen a\anga thudawn danin Election Commission-in a \an chhan tarlanna Affidavit a thehluh hi zirchian ve a ngai ang a, a \ul dan a zirin a chhan letna Affidavit pawh thehluh a la ngai mai thei a ni.

He thubuai ngaihtuahnaah hian Kolasib NGO Coordination aiawhin Advocate Pu H. Lal\anpuia a ding a, amahpuitute zingah chuan Advocate dang Pu Lalbiaknunga Hnamte, Pu Rinliana Malhotra, Pu C. Lalhruaitluanga leh midang pathum an tel a ni. A lehlamah Election Commission aiawhtu New Delhi a\anga lo kal te, Kolasib Bawrhsap, Dr. Arun T., Mizoram CEO aiawhtu Additional CEO, Pu Krishna Mohan Uppu te an tel thung.

ZONET zawhna chhangin Ukil te chuan he thubuai Gauhati High Court Aizawl Bench-a ngaihtuah mek a nih avangin Mizoram Assembly inthlanna tun thla ni 28-a neih tur chu tihbahlah a ni dawn chuang lova, tuna Mizoram Electoral Roll inthlannaa hman tura buatsaih hi hman theih tur chhutfel a nih tawh avangin Representation of Peoples Act Section 23-na sub clause 3-na angin tihdanglam phal a ni tawh lova, amaherawhchu, Court thutlukna a zirin vote thlak hnuah pawh dan dik lova thun te chu paih theih a ni dawn a ni.

Puan tawh angin Kolasib District NGO Coordination Committee chuan Tripura Bru Relief Camp-a awm mi 217 Kolasib District Electoral Roll-a thun thar awmte chu dan dik lova Kolasib Bawrhsap, Dr. Arun T-an a thun nia sawiin, hemi chungchanga an lungawiloh thu hi Gauhati High Court Aizawl Bench-ah PIL-in an thehlut a ni.