Kolasib District MNF Joint Block Committee huaihawtin vawiin khan Kolasib District chhung hmun hrang hrangah National Highway 306 leh a zawmtu kawng pawimawh \henkhat dan pin a ni.

0
247
views

 

Kawng dang pingtute hian tukin zing dar 5 a\anga \anin Bualpui leh Sairang Road peng te, Kolasib khawpui chhunga Khuangpuilam leh Rengtekawn Zero Point te, Vairengtea IOC leh Auto Stand ramri bul leh Bilkhawthlira Chemphai pengah te kawngpui an dang pinga, hei hi inkalpawhna kawng chhe siam\hat thuai tura sorkar an phutna a ni a, mipui thlawpna dawng \ha tawk nia an inhriat avang leh midang tana harsatna siam zui loh nan kawng dan pin hi tlai dar 4 a\ang khan an titawp ta a ni.

MNF Kolasib District Joint Block Committee chuan vawiin chawhnu khan resolution pass-in an thil tih chu Mizoram mipuiten an thlawp nia an hriat thu te, thil \ha tih kawngah \anrual \ul an tih thu te, he kawng siam hnathawktu Sunshine Overseas Company chu sorkar nen inremna thuthlung an siam anga kum 2019 March ni 15 ral hmaa he kawnga an hnathawh tur chin Blacktop hna zo fel ngei tura an phut thu leh kumin October ni 15 hmaa kawng khuar chhe zual lai hnawh hna zo fel tura an phut thu te, an hnathawh dan chu enzui zel an tum thu te, kawng siam hnathawktu Contractor hrang hrangte hna an thawh muanna chhan chu sorkar hotute leh Contractor te inkara hnungthak inhiah sak tawnna a awm nia an ngaih thu te an tarlang a ni. Kolasib District chhunga National Highway 306 leh kawng pawimawh dangte hmun hrang hranga vawiina dan pin vang hian motor lian chhuk leh chho lam dan an ni a, mihring phur chi motor dan erawh chu a tam lo niin thudawn a ni. Kawng dan pin vang hian buaina chhuak a awm lova, Kolasib Bawrhsap leh SP te chuan buaina chhuak palh thei vengin Magistrate leh Police hmun hrang hrangah an duty tir a ni. An kawng dan pinna chhan hi Tuirial Block MNF Joint Secretary, Pu Lalthanmawia chuan a sawifiah a ni.