Kolasib District MNF Joint Block Committee-in Kolasib District chhunga inkalpawhna kawng chhe siam\hat thuai phut nana naktuk, Nilainia National Highway 306 dan pin an tum avangin Kolasib Bawrhsap leh SP te chuan thil \ha lo leh buaina chhuak palh thei veng turin Magistrate leh Police tam tawk duty tur an ruahman.

0
282
views

DC Office a\anga ZONET thudawn danin Magistrate leh Police te hi kawng dan pinna hmun zawng zawngah duty tir an ni dawn a ni. Hetihlai hian Kolasib District MNF Joint Block Committee chuan National Highway 306, tun hmalama National Highway 54 tia hriat \hin hmun engemawzatah zing dar 5 a\anga tlai dar 5 thleng kawngpui an dang ping dawn tih thuchhuah siamin an tarlang a, kawng an dan pinna tur zingah chuan Bualpui leh Sairang Road peng te, Kolasib khawpui chhunga Khuangpuilam leh Rengtekawn Zero Point te, Vairengtea IOC leh Auto Stand ramri bul leh Bilkhawthlira Chemphai peng te a ni. Kawng dan pin tumte hian nunphung pangngai tihbuai a nih loh nan naupang sikul kai tur, pisa kai tur leh bazar te dan buai an tum lo niin an sawi a ni.