Kolasib Venglai Field-a Stadium sak mek chu tukin khan bialtu MLA, Pu PC Zoram Sangliana’n a tlawh a. Hna thawktu M/S Balajee Developers Engineer hotute chu a rang thei ang bera hna thawh zawh tum turin a ngen a ni. Kolasib Stadium sak mek hi Urban Development Ministry atanga sum hmuh, cheng nuai 2,268.43 senga siam a ni a, a sakna tur lung chu kum 2015 March thla khan CM, Pu Lal Thanhawla’n a phum a ni.
