Kolasib Venglaia Sports Stadium sak mek Sports Minister-in en

0
557
views

Kolasib Venglaia Sports Stadium sak mek chu vawiin khan Sports Minister, Pu Zodintluanga’n a en a, stadium satu, Engineer te chu a sak zawh hun tura ruatah zawh ngei tum turin a chah a, harsatna an tawh chuan Mizoram sorkarin a tih theih chinah a pui zel dawn tih a hrilh bawk. Minister chuan Mizoram \halaiten infiamna atana thil pawimawh neih kawngah harsatna an tawh loh nan sorkarin a \ul dan ang angin hna a thawk niin a sawi a, Stadium \ha tak an neih theihna tura an ram petu Kolasib Venglai YMA chungah lawmthu a sawi a, kumina Independence Day Football Tournament chu Kolasib \halaiten Football Stadium-ah ngei an khelh a beisei thu a sawi bawk, Kolasib-a Sports Stadium hi Urban Development & Poverty Alleviation Ministry sum hmanga sak a ni a, National Buildings Construction Corporation (NBCC) Ltd.-in a sa a, ruahman dan chuan kumin March thla tawpah sak zawh tum a ni a, hemi chhungah hian FIFA Standard Football ground, phullem phah siam tum a nih bakah lane 8 nei synthetic running track siam tum a ni bawk.

PHE Minister ni bawk, Pu Zodintluanga chuan Kolasib mipuiten tui tam zawk an hmuh theihna turin a pump-na tur khawl thar bun tum a nih thu leh tui pipe thar leina tur pawh ruahman fel tawh niin a sawi a ni.