Kolkata-a cancer natna vanga inenkawl mek Covid 19 kai hmuh chhuah zat 3 an ni tawh a, Mizoram house-a awm mi 23 quarantine centre ah dah an ni.

0
372
views

Health Minister Dr R Lalthangliana chuan mipuite hnena thuchah sawiin, Mizoram sorkarin West Bengal sorkar hotulute bepawpin theihtawp chhuahin hma a la tih a sawi a. Hri leng kai hmuh chhuah thar hi a enkawlna tur bik Damdawiin ah dah luh nghal a ni a, Mizoram house-a awm, Mizo 23 te chu quarantine centre-ah dah mek an ni a ti.

(Bite Dr R Lalthangliana)

Kolkata-a COVID-19 kai damlote hi cancer natna vei mekte an nih avangin a bik taka COVID-19 veite an dahhranna Hospital-a dah an nih bakah, cancer enkawlna tul leh mamawhte lo buaipui turin West Bengal-a Minister of State for Health Pi Chandrima Bhattacharya leh Dr. Nath Ari te a biak pawh reng thu Dr R Lalthangliana hian a sawi a, Cancer lama mithiam bik Dr. Rajendra Pandey, Oncologist chu mizo cancerte dinhmun enpui tur hian an ruat nghal a ni a ti.

Health Minister hian Kolkata Mizoram House Joint Resident Commissioner Pu Jacob Lalawmpuia leh a thawhpuite bakah, Kolkata Mizo Welfare Association hruaitute leh memberte inpekna chhuanawm a tih thu a sawi bawk.