Kolkata Salt Lake City-a Hyatt Regency Hotel-ah Innovations India bultumin nizan khan Magnetic Mizoram Roadshow neih a ni

0
1020
views

Kolkata Salt Lake City-a Hyatt Regency Hotel-ah Innovations India bultumin nizan khan Magnetic Mizoram Roadshow neih a ni a. Chief Minister, Pu Lal Thanhawla’n sumdawngtu lian kalkhawmte chu Mizorama sumdawnna lam leh thilsiamna lam din theih thil chi hrang hrang a hrilh. Chief Minister chuan Magnetic Mizoram CEO Summit, Investors meet ni nghal chu kumin April ni 20 leh 21-ah Aizawlah neih tum a ni tih a puang a, chumi hunah chuan sumdawnglian leh thil siamtute chu Mizoramah kala a hmuna thil awmdan anmahni ngeia enfiah turin a a sawm a, New Economic Development Policy hmanga hmasawnna hnathawh tihlawhtling leh zual turin sumdawngte chu hmala turin a sawm a, Mizoram chu India rama State ralmuang ber zing ami a ni tih sawiin, sumdawnna leh thilsiamna lama hma thar la duh tan a remchang hle dawn tih a sawi. Finance Minister, Pu Lalsawta pawhin Mizoram dinhmun a sawifiah a, Planning Secretary, Dr. C. Vanlalramsanga’n a lem nena entirin Mizoram chanchin leh economics dinhmun a hrilhfiah a, Tourism Director, Pu Biakthanmawia Pautu pawhin zin veivak mite tlawh tura Mizoram buatsaih dan a tarlang bawk a ni. He Magnetic Mizoram Road Show-ah hian Sungivity Enterprise Pvt. Ltd. chuan Mizoramah ni zung chakna hmang chi Solar Power Plant, kawlphetha megawatt 200 thleng pe chhuak thei tur bun a duh thu ziakin Chief Minister a hrilh a ni.