Krismas leh kumthar vuak vet chhunga kawlphetha hman zat Megawatt 92.7

0
622
views

Krismas leh kumthar vuak vet chhung khan Mizoramin kawlphetha a hman tam lai berin Megawatt 92.7 a hmang a. State Load Despatch Centre (SLDC) hotute hnen a\anga thu dawn danin, Mizoramin kawlphetha a hman zinga Megawatt 87.2 chu phai a\anga hmuh a ni a, a bak, Megawatt 5.5 chu tualchhung a\anga siam chhuah a ni. Zawhna chhangin SLDC hotute chuan, Krismas leh kumthar lawm zawh taka Mizoramin kawlphetha a hman hi kum hmasa lam aiin engemaw zatin a tlem zawk niin an sawi a. A chhan ni thei zingah kum danga kawn leh hmun remchang lai chei \hin chu nikum khan nasa takin a tlem a, hei hian Mizoram mamawh pawh a tihziaawm phah deuh nia an ngaih thu leh kum dangah chuan Krismas leh kum thar vuak veta kawlphetha hman tam ber laiin Mega Watt 100 chuang a kai \hin thu an sawi.

PM, Pu Narendra Modi-a’n December ni 16-a a hawn t^k, Tuirial Hydel Project a\angin kawlphetha tlem a zawng dawn chhunzawm zel a ni a. Tuirial Hydel Project hi kawlphetha Megawatt 60 pe chhuak thei tura duan a ni a, kawlphetha pek chhuahna khawl pahnih, Megawatt 30 ve ve bun ni mah se, tunah hi chuan khawl pakhat chauh hman theih a la ni rih a. Khawl pahnihna pawh hnathawk theia siam ni tawh mah se, en chhina siam \hat ngai lai siam \hat zel a la ni rih niin P&E hotute chuan an sawi a ni.