Krismas leh kumthar vuakveta halpuah leh halmawi lam chi khapin zawm hlawh, veng hrang hrangah thawn hriat tur awm nual

0
402
views

Krismas leh kumthar vuakvetah sorkar-in halpuah leh halmawi lam chi a khap chuan zawm hlawh bawk mah se, veng hrang hrangah halpuah leh halmawi lam chi thawm hriat tur a awm nual. Aizawl SP, Pu Neihchungnunga chuan, Krismas leh kumthar vuakvetah boruak duhawm lo thleng hriat tur a awm mang lo tih sawiin, mipuiten Police hnathawh an \awiawm \hat avanga lawmawm a tih thu a sawi a. Hetih rual hian Police-ten theihtawp an chhuah chunga kum hlui thlah zana veng hrang hranga Halpuah leh halmawi lam chi hal an la awm nual chu pawi a tih thu sawiin, khami zan pawh khan Police leh YMA Duty ten an theih ang angin a hal luite chu an man niin a sawi a, Police duty-ten a thawm an hriat a\angin a hal luite chu an in-ah kal chilhin, kumhlui thlah laia halpuah hal lui, Bawngkawn Police Station huam chhungah mi 1 leh Kulikawn Police Station huam chhungah mi 2 an man niin a sawi a, January ni 1 zanah mi 1 an man leh bawk a, an venga YMA Duty-ten hal lui an chhinchhiah mi 10 an awm bawk a, heng mite hi IPC Section 188 tlawhchhana thubuai siamsak an ni a, thla 6 chhung lung in tan emaw cheng 1,000 chawitir emawa hrem theih an nih thu a sawi. Pu Neihchungnunga chuan, kum thar bawrah halpuah leh halmawi hal lui tlem a zawng awm bawk mah se, kum dang zawng aiin thil puak thawm hriattur a tlem zawk a, a hal chhunte pawhin kum thar fel hnuah an hal chhunzawm lo niin a sawi. Kumin Krismas leh Kumthar vuatvetah hian sorkar-in halpuah leh halmawi lam chi chu na taka a khap avangin vansanga thlawk chi, Sky Lantern thlawk hmuh tur tam tak a awm a ni.