Kristianten zalen taka Krismas hman phalsak turin Allahabad High Court-in district thuneitute hriattir

0
433
views

Allahabad High Court-in Kristianten zalen taka Krismas an hman phalsak turin Uttar Pradesh-a Kaushambi district thuneitute a hriattir a, Kristianten an hun pawimawh, Krismas an lawm theih loh chhan tur a hriat loh thu a sawi. High court chuan Kristianten Krismas an lawm leh, Pathianni-a an inkhawm \hin pawh, dan leh thup>k ken kawhna kawnga harsatna thlentu a nih loh chuan, phalsak turin district thuneitute a hriattir a, Kaushambi hi Lucknow a\anga km. 180 vela hlaa awm a ni a, he khuaa Kristian Pastor, Sanjay Kumar-a leh mi dangte chuan, November thlaa tualchhung inthlan buatsaih a nih avanga thupek chhuah tawh, mi 5 aia tam awm khawm khapna chu s<t a la nih loh avangin, Krismas hman theih loh an hlauhthawn thu, High court-ah hian an thlen a ni. He thubuai ngaihtuahnaa sorkar ukil, Gulab Chand Saxena chuan Krismas hmanna au rinna hman remti lo turin court chu a ngen a, hei pawh hi court chuan a hnawl a, Diwali leh sakhaw dang hun pawimawhah pawh au rinna hi ni tam tak hman a ni \hin tih sawiin, Krismas a nih avanga au rinna khap chhan tur a awm lo a ti bawk.