KTP General Conference neihna tur pandal Pathian hnenah hlan

0
526
views

KTP General Conference naktuk, March ni 1 atanga ni 4 thlenga West Phailenga neihna tur Pandal chu nizan khan a huhova tawngtaia Pathian hnenah hlan a ni. He inkhawm hi bialtu Pastor, RK Lalnunmawia’n a kaihruai a, hetah hian Dinthar KTP-in Theme Song an sa a, Salvation Army Captain, RD Lalhmingtana’n hunserh a hmang a, hlanna inkhawmah hian bial zaipawl pawh an zai a, inkhawm chu Baptist Pastor, P. Roluahpuia’n malsawmna-in a tin a ni. Conference hi naktuk zanah Pandalah Palai lawmna neiin tan a ni anga, inkhawm chu Central KTP leader Rev. Zothansanga’n a kaihruai dawn a ni. He Conference-a tel tur hian vawiin chawhnu thleng khan Central KTP hruaitute zinga mi, Assistant Leader, Tual Upa Ngurhmingliana, Treasurer, Pu Zonunsanga Ralte, Committee member, Tual Upa H. Ramnunsanga leh Synfo mi Documentation ti tu tur mi 7-in West Phaileng an thleng tawh a, Palai tam ber chuan an awmna hmun atangin naktukah West Phaileng an pan dawn a ni.