KTP General Conference neihna tur Pandal sa chhunzawm zel

0
931
views

K|P General Conference vawi 57-na, kumin March ni 1 a\anga ni 4 thlenga West Phailenga neihna tur Pandal chu ngawrh taka sak \hat mek a ni a, kar kal ta khan Pandal chung hi chih zawh a ni a, nimin a\ang khan a bang pin leh hna pawimawh dangte thawhzui a ni. Vawiina hnatlangte hi West Phaileng leh Kawnmawia Kohhran member mi 200 vel an ni. He Pandal sak lai hi thla hlui, December ni 27 zanah khan thli tleh avanga a chim avangin K|P General Conference neih hun tur, March thla hmaa zo fel turin West Phailenga Kohhran hrang hrang member-te bakah a chhehvel khua, Rawpuichhip, Damparengpui, Lallen, Chhippui leh khaw dangte a\anga thawkten an sakpui a ni. West Phaileng Kohhran hruaitute hnen a\anga thu dawn danin Pandal hi mi 8,000 leng thei tura duan a ni a, mi tam zawk an len theih nan hian a sirah zauh a ni bawk. Puan tawh angin K|P General Conference neihna tur Pandal sak nan hian Synod Pandal ruhrel la hman theih leh Central YMA Pandal sakna hmanruate hman a ni.