Kum 63 mi Parrikar hi Panaji-a a chenna inah a thi a, a ruang hi BJP head office-ah dah a nih hnuah, chawhma dar 11 a\anga tlai dar 4 thleng mipui te’n thlahna hun an hman theihna turin Kala Academy-ah dah a ni a, dar li-ah Campal panpuiin dar 5-ah SAG Ground-ah vuiliam a ni.
Sorkar laipui chuan ram pum huapin amah sunna hun a puang a, hnam puanzar pawh a ngul chanveah zar turin hriattirna a siam a, Goa State bikah hian ni 7 chhung, ni 24 thleng khian amah sunna hun hman a ni dawn a ni.
Nizan khan Union Minister Nitin Gadkari-an Panaji thlengin Parrikar-a aiawhtu tur party mite a relpui dawn a ni.
