Kum 1944, June ni 6-a British, US leh Canada sipaiten France hmarlam Normandy tuipuikam an luh chilh ni hriat rengna, D-day hman a ni.

0
427
views

He indona hi Europe-a Nazi awp chin chhanchhuak-a Indopui pahnihna titawp tura beihpui thlakna a ni a, German sipaite beih letna nasa tak leh khaw awmdanin a zir loh karah \angrual pawl sipai 156,000 te chu Normandy ah hian an lut a, thla 11 chhungin Nazi Germany te hi an tlawm ta a ni.

A champha vawi 75-na vawiina lo thlengah hian British Prime Minister Theresa May-i chuan a hunlaia sipaite chungah lawmthu a sawi a, French President Emmanuel Macron pawhin a hunlaia sipai la dam pungkhawmte hmaah thu sawiin an zalenna chu sipai huaisen te thawh chhuah a ni tih a sawi a, US President chuan Ohama tuipui kama US war Cemetry ah he hun hi a hmanpui a, Macron leh May-i te hian Ver-sur-Mer hmuna he indona-a british sipai 22,442 thi te hriatrengna hmunah zahna lantirin hun an hmang a ni.