Justice S Muralidhar leh Vinod Goel te \hutna bench chuan Kumar hi pawi khawih tuma phiarru leh chi leh chi inkara inhuatna ti punlunah leh khawtlang nunphung tibuaia puh a nihnaah te thiam loh a chan tir a, tun thla ni 31 hmaa thuneitute kuta inpe tur leh hemi hmaa Delhi khawpui chhuahsan lo turin a hriattir a ni. He thubuaiah hian Kumar hi a hmain trial court chuan thiam a lo chantir tawh a, mahse hei hi CBI leh buaina chhuaka thi chhungte leh lung-in tang mek \henkhat chuan an khing let a, Court hian Kumar hi thiam loh a chantir bakah trial court-in thiam loh a lo chantir tawh Congress Councillor hlui Balwan Khokhar leh Navy Officer hlui Captain Bhagmal leh Girdhari Lal leh MLA hlui Mahender Yadav leh Kishan Khokhar-te trial court-in thiam loh a lo chantir tawh pawh a nemnghet bawk a ni.
Kum 1984-a buaina hi khatih hunlaia PM Indira Gandhi-i amah vengtu Sikh sipai pahnihin an thah vanga chhuak a ni a, hmun hrang hranga buaina chhuakah khan Sikh mi 8000 a\anga 17,000 inkar thi anga chhut a ni a, India sorkar chuan Delhi khawpui bikah hian Sikh mi 2800 thah an ni tiin a chhinchhiah bawk a ni.
