Kum 2001 mi firfiakten Parliament an beih tuma thite sunna leh hriatrenga inkhawm buatsaih, PM Modi leh Manmohan Singh chibai inbuk tawn

0
390
views

PM, Narendra Modi-a’n PM hlui, Manmohan Singh chu a r<ka Pakistan aiawhte biaa a puh hnu lawk, vawiin khan hruaitu pahnih hi Parliament kawtah an inhmu a, chibai an inbuk a ni. Parliament-ah hian kum 2001 December ni 13-a mi firfiakten Parliament an beih \uma thite sunna leh hriatrengna inkhawm buatsaih a ni a, Congress President atana thlan, Rahul Gandhi pawh Union minister – Ravi Shankar Prasad leh Sushma Swaraj-i te nen Parliament kawtah hian hlim takin an inhmu a ni. Kha thil thlengah khan Lashkar e Toiba mi firfiakten Parliament inkhawm lai an beih avangin Delhi Police mi 6, Parliament vengtu 2 leh huan pu pakhat an thi a, mi firfiak 5 kah hlum an ni bawk a, India leh Pakistan inkar boruak pawh a tisosang hle a ni.

Tun hnaiah Pakistan sorkar hotute leh India ram hruaitu \henkhat an indawr nia sawi a ni a, Congress hruaitu, Mani Shankar Aiyar-a ina an inkawmnaah hian Vice President hlui, Mohammed Ansari leh PM hlui, Manmohan Singh te, Pakistan High commissioner leh Pakistan foreign minister hlui an tel nia sawi a ni bawk a, PM chuan hemi chungchang hi tun hnaia Gujarat assembly inthlan campaign-naah a sawi chhuak a, an inkawm chhan pawh rinhlelhawm nia a sawi avangin, Gujarat inthlanah hian Pakistan a inrawlh nia ngaih theihin a sawi a ni. Hemi chungchangah hian Pakistan chuan, India hian a ram chhung inthlanah Pakistan chu inrawlhah puh lo se a duh thu a sawi a ni.

Dr. Manmohan Singh chuan Congress hruaitu, Mani Shankar Aiyar-a ina inkawmna hi a awm ngei a, India khawmual sipai hotu lu ber hlui pawh a tel a, Gujarat inthlan chungchang erawh chu sawi a ni lo niin a sawi a, PM, Narendra Modi-a thusawi chuan a rilru a tihnat thu sawiin, PM hlui leh Army Chief hluite pawh \ul lo taka tihmingchhiaah Pu Modi-a chu a puh a ni.