Kum 2004 November thla a Zonet Cable TV Private Ltd din a nih a\anga, a hotupa ber, a hmuna \hutchilha engkim relfeltu, Managing Director Pu R K Lianzuala, inrinni a thi chu nimin Pathianni chawhnu khan ropui taka vui a ni.

0
433
views

A vuina inkhawm, Bethlehem venga an chenna ina neihah bialtu Pastor, Lalzawmliana’n thlamuanna thuchah a sawi a ni. A vuiina Kohran Propgramme \an hma hian mi tam takin amah an ui thu leh Mizo mipuite thu leh hla lama a zirtir dan leh kaihhruai dan te sawi chhuakin amah an ui thu an sawi a, thu sawitu tam tak chuan Mizo \awng dik humhalh tura a hma laknate, Kohhran inpumkhatna leh Zohnahthlak inpumkkhatna tura a hma laknate, mipui ten politics leh khawvel zau zawka an thlir thiamna tura a thil sawi leh puanchhuahte an ngaihhlut thu an sawi a. Thu sawituah hian Kohhran hruaitu hlui leh ni mekte, K|P hruaitute, Pavalai pawl hruaitute, Sports Association hruaitute, Chief Minister Pu Zoramthanga, Sorkar Officer lian leh pension tawhte an tel a ni.

Pu R K Lianzuala vuitu hi an \hahnem hle a, An chenna in bakah a bul kawngpui dung, a bul vela in hrang leh a chhak lama Biakin kawt pawh a khat vek a ni. Pu R K Lianzuala hi Pu Sawichhunga leh Pi Lianmawii te fa 7 zinga naupang ber niin kum 1966 May ni 29 khan Champhaiah a piang a, a pa hnathawhna Aizawlah sawn a nih avangin Aizawl Bethlehem vengah an khawsa a, Kum 1986 khan BA Honours Socialogy- \ha takin a passa, kum 1989 khan NEHU Mizoram Campus a\angin MA (Public Administration ) pass in Gold madalist a nia, hemi hnu hian St Puals High School-ah zirtirtu a nia, he hna a thawh lai, kum 1991 khan All India Radio, Aizawl-ah Casual News Reader-Com- Translator hna a thawk leh a, Printing and Stationary Department-ah Editor hna a thawk bawk a, He hna a thawh lai hian AIR Aizawlah Deputation-in Assistant News Editor hna a thawk leh a, hei hi kum 10 vel lai a thawk a ni. He hna a thawh chhung hian Media mite Training-na rintlak leh hming thang, London-a Thomson Foundation-ah Diploma in Broadcast Journalism \ha takin a zova, hei hian a hnathawhnaah pawh nasa takin a pui a ni.

Kum 2004 November thla khan Zonet Cable TV Private Ltd a thawhpuite nen hlawhtling takin an din a, chutah chuan a thih ni thlengin Director hna a thawk a ni.