Kum 2007-a Samjhauta Express-a bomb tihpuah vanga mante chu thiam chantira chhuah an ni.

0
310
views

India a\anga Pakistan pan \hin rel hi February ni 18, 2007 khan Amritsar-a Attari lam a panna lamah, Haryana Panipat-a a dinlaiin bomb hmanga beih a ni a, mi 68 thi zinga a tam zawk chu Pakistan mi an ni a, pawikhawihtu mi 8 te lakah National Investigative Agency chuan Explosive Substances Act leh Railway Act hnuaia tualthah leh thil sual ti tura phiarrukna thubuai a ziaklut a, heng 8 zinga Swami Aseemanand, Lokesh Sharma, Kamal Chauhan leh Rajinder Chaudhary te chu courtah an inlan a, he an thil tiha kaihruaitu ber Sunil Joshi chu December 2007 khan a chenna Madhya Pradesh-ah kahhlum a ni a, a dang 3, Ramchandra Kalsangra, Sandeep Dange leh Amit te chu man theih loin an bibo a ni. NIA counsel Rajan Malhotra chuan Swami Aseemanand, Lokesh Sharma, Kamal Chauhan leh Rajinder Chaudhary te chu thiam chantir-a chhuah an nih thu hi a sawi a, he thuthlukna an siam hma hian Pakistan nu pakhatin Pakistan mi, he thil thlen lai lo hmuttute zinga pakhat thu zawtfiah tura a ngenna chu NIA special judge Jagdeep Singh chuan \ul lova ngaiin a hnawl a ni.