Kum 2013 inthlana MPCC President, Pu Lal Thanhawla’n Affidavit dik lo a siam nia sawitu Pu Lalhriatrenga Chhangte-in Pu Lal Thanhawla chu Affidavit mai ni lo, eiruk thubuai siamsak tlak niin vawiina Aizawl Press Club-a thuthar lakhawmtute a kawmnaah a sawi.

0
364
views

 

Pu Lal Thanhawla hian vantlang hriatah cheng khat pawh a eiruk loh thu a sawi \hin mek laiin Kolkata New Town hmuna a insak chu cheng vbch. 5 man hu vel a nih daih thung niin a sawi. Pu Lalhriatrenga Chhangte chuan, kum 2013 inthlan dawna Affidavit hmanga a nupui nen an thil neih a tarlannaah hetianga man to in leh lo din tur chuan a hlawh mai ni lo, hmun dang a\anga sum lakluhna a neih a ngai a, a thil neih chu rinhlehawm a nih avangin Prevention of Corruption Act hnuaiah sum lakluh leh thil neih inmil lo thubuai siamsak tlak nia a ngaih avangin kumin May ni 20 khan AFCB-ah FIR a thlehlut a. ACB hian Chief Minister chhui tur chuan Vigilance Department-ah phalna an lak phawt a ngai a, hei hi vawiin tlengin Chief Vigilance Officer, Mizoram Sorkar-a Chief Secretary ni mek chuan a la pe chhuak lova, hetiang hi thil awmdan a nih avangin ACB hian an chhui dawn lovin a lang a, tunah hian High Court lamah PIL thehlut turin a inbuatsaih mek niin a sawi.

Affidavit dik lo thubuai ngaihtuahtu Serchhip CJM Court-ah Pu Lal Thanhawla chu \um hnih a inlan tawh lo nia sawiin, Pu Lalhriatrenga Chhangte chuan, Court hian October ni 25-a inlan turin a hriattir leh niin a sawi a, nimina thubuai ngaihtuahnaah hian Pu Lal Thanhawla Ukil-te chuan thubuai ngaihtuah hun chu nakkum January thlaa sawn dil mah se, Court chuan a remti lo niin a sawi.

Zawhna chhangin Pu Lalhriatrenga Chhangte chuan Pu Lal Thanhawla chu a huat vang ni lovin Mizoramah dikna a lal ber theih nana hetianga hmala hi a ni tih a sawi a, tuna a hmalakna avang hian kumina Assembly inthlanpui neih turah pawh MLA Candidate-te chuan dik taka Affidavit an siam vek a beisei tih a sawi bawk.