Netherland kaihhruai Joint Investigation Team hian finfiahna an lakkhawmte leh rinhlelh te hming hi puanzar turin an ruahman fel tawh a, kha thlawhna, MH17 khan Amsterdam a\angin Kuala Lumpur lamah thlawh kualtir a nih laiin indona thlen mekna hmun Ukraine chunga a thlawh laiin kah thlak a ni. A chhuichiangtute hian Russia thlawp hel pawl te thil tihah an puh a, thlawhna kah thlakna missile hi Russia siam a ni.
Boeing 777 hi Ukraine khaw chhak lam, hel pawlte thunun chinah 2014 July ni 17 khan a tla a, khatih hunlai kha sorkar sipaite leh hel pawlte an inbeih nasat vanglai a ni. Russia chuan he thil thlengah hian inrawlhna a nei lo nia sawiin, missile pawh hi Ukraine sorkar thunun chin a\anga kah chhuah a ni a ti thung.
