Kum 2014 a\anga PM Narendra Modi-a thilpek dawn thil chi hrang 1,800 vel lilam a ni a, pawisa tlingkhawm hi National Mission for Clean Ganga Project atan hman ani dawn.

Lilamna hun hi New Delhi-a National Gallery of Modern Art ah buatsaih a ni a, thla thum chhung heng thilte hi mipui hmuha phochhuah an lo ni tawh a ni. Modi-a thil dawn lilam te hi ram hrang hrang a tlawhna a\anga a dawn ngunhnam te, rimawi tumna hmanrua te, diar te, puan bah te, kawrchung te, leh thlalak te bakah tarmawi chi te an ni hlawm a, hralh tawh zinga a man sang zualte chu banga tarmawi chi cheng 12,500-a hralh te, Statue of Unity lim te chi cheng 11,000-a hralh te leh Mahatma Gandhi, Swami Vivekananda, Sardar Vallabhbhai Patel leh Narendra Modi lem ziahna painting cheng 9,000-a hralh te an ni. Hmun leh hmuna lilamna hun hi vawiin khan khar a ni a, online-a lilam chhunzawm a ni ang.