Kum 2015, December ni 14 zana Melthum dai, Zampuimanga lungphun bula Rs. vbc. 14.5 vel hû Rangkachak rûkbo thubuai chhuitu Mizoram Police-in thubuai a chhui zo \ep tawh.

0
611
views

Mizoram Police hotute hnen a\anga Zonet thudawn danin, he thubuaia mawhphurtua puh 39th Assam Rifle Commandant, Col. Jasjit Singh chu sorkar laipui hnuaia hnathawk anih avangin Mizoram Police chuan a mah chhui phalna hi Union Home Affiars Ministry-ah a dil a, hei hi phalsak niin, Union Home Affiars Ministry chuan tun hnai khan he thubuai chhui phalna Prosecution Sanction Order chu Aizawl Judicial District & Session Court hnenah a rawn pe a, hei hi Court chuan thubuai chhuitu Mizoram Police hnenah hlan chhawng ve lehin, Mizoram Sorkar-in thubuai chhui tura a ruat Special Investihation Team chuan ngawrh takin thubuai hi a chhui nghal a ni. Zawhna chhangin Police hotute chuan, thubuai an chhuinaah thil tih ngai a tam avangin zawh mai thei a ni lo tih an sawi a, hetihrual hian thubuai chhuina chu peihfel \ep a ni tawh a, thubuai chhuina Chargesheet pawh Court-a thehluh theih thuai beisei a ni tih an sawi.

Puan tawh \hin angin, kum 2015, December ni 14 zana Melthum dai, Zampuimanga lungphun bula rangkachak tawlhruk suam thubuaiah hian Kulikawn Police Station-ah thubuai ziah luh niin, hemi bawhzui hian kum 2016 May ni 6 khan 39th Assam Rifles Commandant, Col. Jasjit Singh chu man a ni a, a ni bakah hian he thubuai kaihhnawihah police-te chuan Assam Rifles sipai pakua leh civil mi pali an man a ni. He thubuaia mawhphurtu bera puh Col. Jasjit Singh chu man a nih hnuah Assam Rifle DIG-in a suspend nghal a, thubuai chhuina kalpui a nih hnuah Col. Jasjit Singh chu Bail-a chhuah tir leh a ni a. A hna a\anga suspend a nih avang hian |huampuia Field Hospital-ah a in report \hin a, hei bak engtin nge a awm chhunzawm erawh an hre zui lo niin Police hotute chuan an sawi a ni.