Kum 2016-a pianphunga rualbanlote enkawlna hmuna mi 19 vit hlumtu Japan mi, kum 30-a upa Satoshi Uematsu chu thi turin a chungthu rel a ni ta.

0
342
views

Satoshi hi pianphunga rualbanlote enkawlna hmunah hian \um khat chu a thawk ve tawh a, a thawhna hmuna rualbanlote chuan mihring dikna chanvo an nei lo tih a sawi a, rual an ban loh vangin dam chhan tur an nei lo va, an khawtlang tana \ha zawk tura a hriat angin an chungah a che tih a sawi.

Yokohama District Court chuan Satoshi hi thi turin a chungthu rel sak a, an tihhlum hun tur erawh ruat a la ni rih lo.

Satoshi hi a ukil chuan marijuana a ruih vangin rilru lamah harsatna a tawk tih a sawi a, a pawikhawihnaa mawhphurhna la tur pawhin chakna a nei lo tih a sawi a ni.

Prosecutors chuan Satoshi-a pawikhawihna chu mihringte chetdan tur a nih loh vangin a chungah zahngaihna lantir chi a ni lo tih a sawi a ni.

Kum 2016, July thlan khan Satoshi hi Tsukui Yamayuri-en-a rualbanlote enkawlhna hmun Tokyo khawpui pawnah chemte chi hrang hrang nen a kal a, building pakhat tukverh chu tichhia-in a lut a, pindan hrang hranga mu te chu a mal te te-in a bei zui a, a tihhlum te chu kum 19 leh kum 70 inkar te an ni a, mi 19 a vih hlum bakah mi 25 a hliam a, chung zinga mi 20 te chu an na hle a ni. Hetia a chet hnu hnuah police station-ah kalin a inpe zui a ni.