Kum 2017-18 chhung khan Tourism Department-in Rs. nuai 250 leh sing 1 a thawk chhuak tih Tourism Minister, Pu Robert Romawia Royte-in a sawi.

0
373
views

MNF member, Dr. Vanlal\anpuia zawhna ziaka a chhanaah Pu Robert Romawia Royte chuan, Mizorama Tourist Industry tihmasawn turin Sorkar chuan Mizoram Tourism Policy, 2014 siam a ni a, hei hi hman mek a ni, a ti a. Mizoram Tourism Policy hmang hian khualzin hup turin Eco-Tourism, Rural Tourism, Adventure Tourism, Cultural and Heritage, Religious leh Natural Based Tourism-ahte nasa taka hmalak tum a nih bakah tunah hian Tourism Master Plan siam tura hmalak mek a ni a, Mizoramah ngei Hotel Management zirna changtlung tak a awm theih nan hmalak a ni, a ti. Khualzin tam zawkin Mizoram an tlawh theih nana hma lakna zingah Hotel leh Restaurant-te chu Tourism Department hnuaia awm tira, felfai zawk leh thianghlim zawka dan hmanga enkawl tura hmalak mek a ni tih sawiin, Pu Robert Romawia Royte chuan, Tourism Industry hrang hranga thawktu, Tourism Service Provider-te chu Department hnuaia rinluh a, changtlung leh felfai zawka enkawl tum a nih thu a sawi.

Mizoram hmun \henkhata Tourist Lodge mimal kuta hlan chu Department chuan hlawk hle a hriat thu sawiin, hei hi chhunzawm zel tlah ngaih a ni, a ti a. Mimal-in an enkawl tak Tourist Lodge a\ang hian thla tin a luah man dawn \hin a ni a, heta \ang hian sorkar chuan hlawkna a lo tel \hin tih Pu Robert Romawia Royte chuan a sawi.