Kum 2019 Parliament inthlanpuiah eptu pawlte an tangrual thei dawn em tih mi tam takin an thlir mek laiin, Rajya Sabha Deputy Chairman thlannaah rorellai pawlin awlsam takin hnehna an chang.

0
503
views

Sorkar lamin vote 125 an neih laiin eptu lamin vote 105 an nei a, eptu pawlten vote an neih tur zata an beisei 110 chu an phak ta lo a, DMK vote pahnih leh Trinamool Congress vote pakhat an chang lo a, YSR Congress chuan vote an thlak lo thung.

Rajya Sabha Deputy Chairman ah hian Nitish Kumar-a party Janata Dal MP Harivansh Narayan Singh chu thlan tlin a ni a, Eptu party aiawh congress candidate BK Hariprasad chuan a hneh zo lo a ni. Rajya Sabha ah hian member 224 awmin majority nei turin vote 123 hmuh a ngai a, vote thlak lo an awm nual avangin vote 119 ah a tla thla a ni.