Kum 25 liamta chhunga Japan rama thlipui thawk na ber Typhoon Jebi vangin mi 10 aia tlem lo an thi.

0
510
views

Jebi thlipui hian Japan khaw thlang lam a nuaia, khawpui lian, a nuai nat zingah Kyoto leh Osaka te pawh a tel a, thlawhna service leh rel service te tihtawp a nih avangin khualzin tam tak an tangkhang a, Osaka international airport-a khualzin mi sang tel tangkhangte chu hmun him lama sawn chhuah an ni a, thlipui hian hmar lam panin a na zualpui chu a reh tawh a, mipuite chu leimin leh tuilian laka fimkhur tura thurawn pek an ni. Thlipui in a nuai avang hian mi 300 aia tlem lo an hliam tih Yoshihide Suga-a sorkar thupuangtu chuan a sawi a, thuneitute chuan mi maktaduai 1 leh nuai 2 vel chu hmun hima insuan chhuak turin thurawn an pe a, hei hi tih luihna erawh a ni lo tih Fire and Disaster Management Agency chuan an sawi.