Kum June ni 18-a Jharkhan Seraikela Kharsawan-a motorcylce rua puh, kum 24 mi, Tabrez Ansari-a sawisak rawn a nih hnua damdawi ina thi ta chu a ruang post mortem-tu zinga tel, Dr. B Mardi-a’n lung phu chawl vanga thi nia a sawi vangin amah sawisak rawntute thubuai tih tawp a ni.

0
369
views

Dr. B. Mardi chuan amah chauhin post mortem a ti lova, doctor rualin an post mortem a, lungphu chawl a ni ngei tih an finfiah niin a sawi a, kut thlak vanga thi chu ni se, kha mi ni emaw, a ni thum ni-ah emaw thihpui awm tak a nih laiin a ni 6 ni-ah a thi niin a sawi a, lungphu chawl chu taksa hah lutuk te, rilru hah vangten a thleng thei niin a sawi bawk.

Jharkhand senior police officer Karthik S chuan medical report a\angin tualthahna finfiah theihna engmah a awm loh avangin, tualthattua puh mi 11 an man te tualthata ngaih theihna tur a awm lo niin a sawi a, Ansari ruang post mortem chu a hranga kalpui a ni a, chutah pawh chuan lungphu chawl a ni tih finfiah ve ve a ni a ti bawk.