Health & Family Welfare Principal Director, Dr. F. Lallianhlira kaihhruai \hutkhawmnaah hian District hranga AB-PMJAY changtlung zawk leh huamzau zawka kalpui theih dan tur sawiho a ni a, AB-PMJAY hnuaia insurance company thawhpui, Bajaj Allianz General Insurance Company hotute nen RSBY chungchang pawh sawiho nghal a ni a, damdawi in \henkhata bill pek loh la awm te chinfel thuai dan tur sawiho a ni.
AB-PMJAY hi nikum September thla khan sorkar laipuia, Ministry of Health and Family Welfare-in a tlangzarh a, he scheme-in a tum ber chu mi harsa zualten damdawi in-a enkawlna \ha an dawn theihna tura \anpui a ni a, Kum 2011 chhiarpui a\anga Socio-economic and caste census-a hming lang te leh RSBY Smart Card neiten he scheme hi an hmang thei a, Mizoramah chuan Mizoram State Health Care Scheme 2018-19 a inziaklut leh nikum October thlaa AB-PMJAY hnuaia inziaklutten an hmang thei bawk.
